नेपाली साहित्यका विविध पाटोमा कलम चलाउँदै आउनु भएका सफल गीतकार तथा उपत्यका प्रहरी प्रमुख प्रहरी अतिरिक्त महानिरीक्षक (एआइजी) टेकवहादुर तामाङको सिर्जनामा बनेको ‘ट्याम्के मैयुँ’ बोलको गीतको म्युजिक भिडियो सार्वजनिक भएको छ । दर्जनौं आधुनिक, लोक, राष्ट्रिय गीतदेखि धार्मिक भजनसमेत रचना गर्नु भएका प्रहरी उच्च अधिकारी तामाङको प्रकृति प्रेमको भाव यो गीतमा भेटिन्छ ।

 प्रहरी अतिरिक्त महानिरीक्षक (एआईजी) टेकवहादुर तामाङ 

‘कहिले गुराँश, कहिले हिँउले ढाक्छ नि ट्याम्के मैयुँ लै,
मायालु ज्यानको रुपजस्तो मोह लाग्छ नि सबैलाई ।’

प्रकृति र संस्कृतिको अलौकिक भण्डार उपमा चिनिने भोजपुर जिल्लाप्रति गीतका शब्दले वर्णन गरेका छन् । यो गीतमा तामाङको रचनामा श्वर भीषण मुकारुङ र सिर्जना तामाङको रहेको छ । संगित भने युबराज गुरुङले भरेका छन् । यो म्युजिक भिडियोमा मोडलिङ सनम कठायत र अम्बिका तामाङले गरेका हुन् । म्युजिक भिडियोको निर्देशन आयुश साहीले गरेका छन् ।

एआईजी तामाङले गीत, भजनसमेतका केही पुस्तक पनि प्रकाशित गरिसकनु भएको छ ।