नेपाल प्रहरीको केन्द्रीय अनुसन्धान व्युरोको नेतृत्व गरिरहनु भएका प्रहरी अतिरिक्त महानिरीक्षक (एआईजी) चन्द्रकुवेर खापुङको सिर्जनामा ‘सुवास बनेर आउनू तिमी’ बोलको गीत म्युजिक भिडियोको रुपमा सार्वजनिक भएको छ ।

एआईजी खापुङको रचनालाई म्युजिक भिडियो बनाएर आज (शुक्रवार) सार्वजनिक गरिएको हो । यो भिडियोमा गाइका मेलिना राईले श्वर दिएकी छन् भने अभिनय प्रियङ्का कार्कीको रहेको छ ।

गीतमा संगीतकार बसन्त सापकोटाले संगीत भरेका छन् । भिडियोलाई सुनील क्षेत्रीले निर्देशन तथा छायाङ्कन अजय रेग्मीले गरेका हुन् । गज्जब टेलिभिजनबाट सार्वजनिक गरिएको यो भिडियोको सम्पादन सुप्रिम पराजुलीको छ । गीतमा एरेञ्ज उदयराज पौडेल र मिक्सिङ मास्टरिङ श्यामस्वयत रसाइलीको रहेको छ ।