हामी नेपाली ग्लोबल इन्टरनेशनल संस्थाका अध्यक्ष एवं चिरपरिचित व्यक्तित्व अमृत लामा राष्ट्रिय स्वतन्त्र पार्टी (रास्वपा) को तर्फबाट काठमाडौँ महानगरको चुनावी मैदानमा उत्रिनने तयारीमा हुनुहुन्छ । चलचित्र क्षेत्रदेखि समाजसेवाको यात्रासम्म आफूलाई अब्बल सावित गर्दै आउनु भएका लामा यतिबेला काठमाडौँको मुहार फेर्ने संकल्पका साथ अगाडि बढेको बताउनु हुन्छ ।
नेपाली सिने जगतममा पापी, ताल, झाँक्री र रणसंग्रामजस्ता सफल र चर्चित चलचित्रहरूका नायक लामाको पहिचान पर्दामा मात्र सीमित छैन। उहाँ देश र विदेशमा रहेका हरेक नेपालीका लागि एक वास्तविक हिरोको रूपमा परिचित हुनुहुन्छ। जुनसुकै देशमा रहेका नेपालीलाई समस्या पर्दा आर्थिक, नैतिक र भौतिक सहयोग पुर्याउन उहाँ सदैव अग्रपङ्क्तिमा रहँदै आउनुभएको छ।
२०७२ को विनाशकारी भूकम्पका बेला खाद्यान्न, बासस्थान र आर्थिक सहयोग जुटाउन सक्रिय लामाले कोभिड–१९ को महामारीमा पनि काठमाडौँ र सिन्धुपाल्चोक क्षेत्रमा औषधि उपचारका लागि ठूलो आर्थिक सहयोग गर्नुका साथै आफैँ प्रत्यक्ष रूपमा सेवामा खटिनुभएको थियो।
अहिले काठमाडौँलाई केवल आश्वासन होइन, स्पष्ट भिजन र परिवर्तन चाहिएको छ। अमृत लामाले काठमाडौँको विकासका लागि शिक्षा र रोजगारीलाई मुख्य प्राथमिकतामा राख्नुभएको छ। हरेक नागरिकलाई गुणस्तरीय शिक्षा र युवाहरूलाई स्वरोजगारसँग जोड्ने उहाँको स्पष्ट योजना रहेको छ।
क्षणिक लोभ र प्रलोभनमा नपरी आफ्नो र भावी पुस्ताको उज्ज्वल भविष्यका लागि एक योग्य, गतिशील र नयाँ सोच भएको उम्मेदवारलाई जिताउनु आजको आवश्यकता हो। काठमाडौँको कायापलट गर्न र समाजको वास्तविक सेवकलाई नेतृत्वमा पुर्याउन उहाँले आग्रह गर्नु भएको छ ।
राष्ट्रिय स्वतन्त्र पार्टीबाट उहाँ काठमाडौंको मेयरमा दाबेदारका रुपमा रहनु भएको छ । प्राइमरी इलेक्सनमा आफू छनोट हुने उहाँको विश्सास छ ।
प्रतिक्रिया दिनुहोस्