![नेता किन पाउको तलुवा परेझैं [गजल]](https://kalpabriksha.com/wp-content/uploads/2025/08/som-subedi.jpeg)
भ्यागुत्ताका भागमा कुवा परेझैं
भाग्य पर्छ कसैलाई जुवा परेझैं ।।१।।
युद्धभूमिभित्र आणविकका सामू
आफ्नो हातमा बन्दुक भरुवा परेझैं ।।२।।
हाम्रो शान विश्वको टाउको माथि छ
नेता किन पाउको तलुवा परेझैं ।।३।।
कालापानी सुस्ता बेसहारा परे
पति मर्दा शोकमा विधुवा परेझैं ।।४।।
वर्तमान सफरको चङ्गाचेट हुँदैछ
लक्ष गायब हुरीमा भुवा परेझैं।।५।।
–सोम सुवेदी
पाँचथर (हाल युएई)
प्रतिक्रिया दिनुहोस्