काठमाडौं । नेपाली सेनाको आयोजनामा तथा नेपाल टेनिस सङ्घको प्राविधिक सहयोगमा सञ्चालित ‘प्रधान सेनापति राष्ट्रिय खुला टेनिस प्रतियोगिता–२०८३’ को चौथो संस्करण सम्पन्न भएको छ । प्रतियोगिता जङ्गी अड्डामा आयोजित समापन समारोहबीच प्रधान सेनापति महारथी अशोकराज सिग्देलको प्रमुख आतिथ्यमा सम्पन्न भएको हो ।

समापन समारोहमा प्रधान सेनापतिले प्रतियोगितामा च्याम्पियन बनेको त्रिभुवन आर्मी क्लब, पुरुष एकलतर्फका विजेता प्रदीप खड्का तथा महिला एकलतर्फकी विजेता सिमाली गुरुङलाई ट्रफी तथा प्रमाणपत्र प्रदान गरेका थिए । साथै विभिन्न विधामा उत्कृष्ट प्रदर्शन गर्ने खेलाडीहरूलाई समेत पुरस्कार वितरण गरिएको नेपाली सेनाले जनाएको छ।

यही ठ ४ गतेदेखि सुरु भएको प्रतियोगिता जङ्गी अड्डा तथा दशरथ रङ्गशालास्थित टेनिस कोर्टमा सञ्चालन गरिएको थियो । प्रतियोगितामा १२ वटा क्लबका २१८ जना खेलाडीहरूले १३ विधामा प्रतिस्पर्धा गरेका थिए ।

समापन कार्यक्रममा बलाधिकृत, तीनवटै सुरक्षा निकायका प्रमुखहरू, रथीवृन्द, नेपाल टेनिस सङ्घ तथा राष्ट्रिय खेलकुद परिषद्का पदाधिकारी, विभिन्न टेनिस क्लबका प्रतिनिधि, नेपाली सेनाका सकलदर्जा, सञ्चारकर्मी तथा खेलाडीहरूको उपस्थिति रहेको थियो।