![सिंगो देश डुब्ने जहाज चल्छ यहाँ [गजल]](https://kalpabriksha.com/wp-content/uploads/2025/07/som_subedi.png)
झेली र भ्रष्टको राज चल्छ यहाँ
विकृति बोकी समाज चल्छ यहाँ ।
इजाजतका व्यापार के के हुन् के के
बन्द कोठामा मसाज चल्छ यहाँ ।
सृष्टिका लागि दृष्टि चाँहिदैन
अन्धाको देश भो अन्दाज चल्छ यहाँ ।
हल्ला र गफैले बाँच्नेहरू छन्
कामभन्दा धेरै आवाज चल्छ यहाँ ।
जिन्दगीको जहाज त डुब्यो-डुब्यो
सिंगो देश डुब्ने जहाज चल्छ यहाँ ।
– सोम सुवेदी
पाँचथर (हाल युएई)
प्रतिक्रिया दिनुहोस्